Friday, 22 February 2013

Belangrike raad vir jong redenaars.

Redenaars en debat kompetisies kan wonders doen vir 'n jong kind se selfvertroue. Maar sekere punte moet onthou word om sukses te kan behaal.

Die mees algemeenste struikelblok vir kinders en selfs volwassenes is dat hul so opgewonde is met hul toespraak dat hul soms vergeet om die struktuur wat gestel word deur die organiseerders van die redenaars te volg.  'n Eenvoudige voorbeeld is dat die meeste kompetisies vereis dat jou toespraak moet 'n standpunt ondersteun en dit is dus die spreker se verantwoordelikheid om die gehoor en beoordeelaars te oortuig van hul standpunt.  Die lokval hier is dat soms gebeur dit dat 'n fantastiese toespraak informasie oordra, en is dan nie meer 'n redenaar-toespraak nie, maar kreatiewe toespraak.  Maak nie saak hoe goed die inhoud en navorsing is van die toespraak nie.  Daar moet, en ek beklem, MOET ten alle tye binne die struktuur van die organiseerders gewerk word.

Nog 'n algemene probleem wat voorkom by veral sprekers met 'n sterk en flambojante persoonlikheid, is dat 'n toespraak baie eenders voorkom as 'n solo verhoogstuk.  Dit is wel algemeen dat daar gebruik gemaak word van "scenarios" of "karakters" om 'n goeie argument te redeneer.  Maak net seker dat die punt wat jy wil maak nie weggesteek word deur uitstekende toneelspel nie.

Voorbereiding, voorbereiding voorbereiding!  Heel maklik die belangrikste faktor in enige toespraak of redenaars kompetisie.  En dit moet vanselfsprekend wees dat die onderwysers of afrigters van deelnemers baie tyd en energie moet afstaan om sprekers voor te berei.  Die inhoud kan uitstekend wees.  Maar sonder voorbereiding, is dit nie eens die papier waarop die geskryf is werd nie.

Probeer om altyd 'n goeie aanhaling in te sluit in jou opening of afsluitings argument.  Persoonlikhede en figure soos Moeder Theresa, Mahatma Gandhi, Nelson Mandela ens is altyd 'n betroubare roete om te volg.  Selfs gedigte wat handel oor die onderwerp werk goed, solank as wat dit van 'n bekende skrywer is en nie van enige Jan-Rap en sy maat op die internet nie.

Hiermee sal afrigters en onderwysers moet bystaan.  Leer ken jou beoordeelaars.  Vind uit wie hulle is.  By watter kompetisies was hulle al betrokke en wat is hul voorkeure.  Dit is nie "gatkruip" nie.  Maar loop hand aan hand met voorbereiding.  Jy wil nou nie iets sê wat vir een enkele indivu aanstootlik is nie. 

Maak gebruik van handgebare.  Die "Toastmasters" handleiding leer hul lede die belangrikheid om handgebare te gebruik, en dit is definitief 'n uitstekende manier om 'n gehoor se aandag te trek.  Vang dadelik hulle onkant deur om 'n gebalde vuis met mening op die podium te slaan om agressie te verteenwoordig.  Moenie dat jou hande jou aandag aflei nie.  Moet nooit met jou hande in jou heupe staan nie. As jy nie weet wat om te doen met jou hande nie,  hou die podium vas aan die kante met albei hande.  Ek los dit tot u eie verbeelding.

En dan om mee af te sluit.  Redenaars is pret.  Dit is definitief 'n goeie leerskool en bevorder nie net kommunikasie vermoë nie. Maar ook selfvertroue.  Daar gaan oomblikke wees wat jy ongelukkig is met uitslae, wat kritiek bietjie swaar mag wees.  Jy sal dalk wil tou opgooi,  maar moenie.  Dit is slegs deur oomblikke soos dit wat jou beste materiaal vorendag kom.

Sterkte aan alle deelnemers van die ATKV redenaarskompetisie!

Vriendelike Toespraak Groete
Toespraak hulp

Waarom moet ek iemand betaal om toesprake te skryf?

Wel, dit is nie altyd nodig nie, dit hang af van jou omstandighede.

Indien jy 'n individu is wat beskik oor baie tyd en die kreatiewe denke om 'n goeie toespraak te skryf.  Sal dit seker nie so nodig wees om gebruik te maak van sulke dienste nie.  Alhoewel ons onsself vind in 'n tyd waar tyd al hoe meer kosbaar raak.  Veral in 'n leefstyl waar jou loopbaan, skool of sosiale verantwoordelikhede 'n groot deel van kosbare tyd opneem.  

Meeste goeie toesprake benodig baie tyd.  Tyd wat afgestaan moet word aan navorsing, fisiese skryfwerk, redigering en uitleg.  En dan laaste maar nie die minste nie, oefening.  Daar is geen skande om iemand te betaal om teosprake te skryf nie.  Selfs vooraanstaende politiese leiers, geestelike leiers en publieke figure maak gebruik van professionele toespraak skrywers.  

Dit is wel uiters belangrik om te onthou dat voorbereiding jou beste materiaal is.  Jy kan die beste inhoud neerpen vir 'n toespraak maar sonder die nodige voorbereiding, sal jou toespraak minder werd wees as die papier waarop dit neergeskryf is.  Deur al die jare se ervaring is daar een ding wat ek geleer het oor publieke toesprake.  Die beste sprekers voel steeds senuweeagtig.  Maar hulle weet hoe om daai emosies te gebruik om 'n gehoor te betower en op te sweep.

Enkele voordele om gebruik te maak van 'n professionele toespraak skrywer is die volgende.
  • Jy kan gerus wees dat die inhoud en samestelling van 'n toepsraak binne in die maatreëls van die organiseerders se reëls en regulasies is.  Bv die ATKV
  • Die tydsame proses van navorsing word al klaar gedoen en word op so 'n wyse in die toespraak ingesluit dat beoordeelaars gelukkig is met die bronnelys ens.
  • Die gebruik van aanhalings is 'n baie delikate situasie.  Kombineer die verkeerde aanhaling by die verkeerde persoon en dis nag!
  • Ingesluit by 'n geskrewe toespraak is wat ek noem, "visual ques".  Handgebare of die gebruik van items om die toespraak diepte en kleur te bied.  
Om saam te vat.  Daar is baie redes waarom jy dalk iemand moet aanstel om toesprake te skryf.  Maar ek sal altyd mense motiveer om self hul skryf tegniek gereeld te slyp.  Om te skryf is seker een van die mees kreatiefste maniere om uiting te gee aan emosies. En ek is vasbeslote dat elke persoon die gawe het om hul gedagtes te kan neerpen.

Tot volgende keer.
"toespraak groete"

Toespraak Hulp